Projekti #IshemPaPlastike është pjesë e Thirrjes RIVERCLEAN – Civil Society Support for Plastic Reduction in Vjosa and Ishëm River Basins, siç përcaktohet në kontratën e grantit. Projekti synon të reduktojë ndotjen nga plastika një përdorimshe përmes aplikimit të metodologjisë HAPI në 40 biznese të sektorit HoReCa përgjatë zonës së lumit Ishëm. Për zbatimin e aktiviteteve në terren kërkohet angazhimi i dy lehtësuesve me kohë të pjesshme, të cilët do të mbështesin të gjitha fazat praktike të projektit: vëzhgim, mbledhje të dhënash, asistim të bizneseve, ndërgjegjësim, monitorim dhe raportim.
QËLLIMI I ANGAZHIMIT
Qëllimi i angazhimit është garantimi i zbatimit efektiv të metodologjisë HAPI dhe aktiviteteve të terrenit duke siguruar:
- pjesëmarrjen aktive të 40 bizneseve HoReCa;
- mbledhjen e saktë dhe të standardizuar të të dhënave;
- ndjekjen e rregullt dhe dokumentimin e progresit;
- ndërveprimin e vazhdueshëm me komunitetin dhe bizneset;
- mbështetjen logjistike dhe teknike të menaxherit të projektit.
KUALIFIKIMET DHE PROFILI I KËRKUAR
Kualifikimet minimale
- Diplomë ose studime në vijim në: Shkenca Mjedisore, Zhvillim Komunitar, Menaxhim Biznesi, Sociologji, ose fusha të lidhura.
- Minimum 2 vite përvojë pune në terren në projekte civile, mjedisore ose komunitare.
- Aftësi të forta komunikimi verbal dhe ndërveprimit me publikun.
- Përvojë në mbledhjen e të dhënave dhe plotësimin e formularëve teknikë.
- Aftësi organizative dhe të menaxhimit të kohës.
- Posedimi i mjetit të transportit (përparësi).
- Kualifikime të preferueshme
- Përvojë në projektet e Qendrës “Durrësi Aktiv” ose organizatave të ngjashme.
- Njohje e sektorit HoReCa dhe praktikave të menaxhimit të mbetjeve.
- Aftësi në përdorimin e Google Forms, Excel, Word, mjetet bazë të analizës së të dhënave.
- Aftësi në fotografi dhe dokumentim vizual (plus).
- Njohuri bazë të konceptit të qarkullimit të plastikës dhe alternativave të qëndrueshme.
KOHËZGJATJA, ORARI DHE PAGESA
- Angazhimi fillon menjëherë pas nënshkrimit të kontratës.
- Shpërndarja e ditëve është e planifikuar sipas aktivitetit (3–4 ditë/muaj).
- Pagesa kryhet sipas rregullave të grantit të BE-së dhe kontratës së QDA – Kontrata Millieukontakt
- Raportimi i punës është detyrim për lëshimin e pagesës.
- Lokacioni: Njësia Administrative Ishëm dhe zona përreth në Bashkinë Durrës
- Numri i pozicioneve: 2
- Paga ditore: 60 EUR/ditë
- Ditë pune për secilin: 41 ditë
DORËZIMI I APLIKIMEVE
Kandidatët duhet të dorëzojnë:
- CV profesionale
Adresa për dorëzim: durresiaktiv@gmail.com
Afati i dorëzimit: 10 Dhjetor 2025, ora 23:59
- Respektimi dhe Kodi i Veprimit:
- Eksperti duhet të respektojë politikat e organizatës, përfshirë kodin e sjelljes, etikën dhe kërkesat për konfidencialitetin.
Informacion më të detajuar për pozicionin e gjeni në dokumentin Termat e Referencës;
25/11/2025
